Tá Hvamm P/F bjóðaði út arbeiði at byggja eitt nýtt skip í 2007, var tað Karstensens Skipsværft, sum hevði lægsta boðið.

Karstensens Skipsværft byrjaði at smíða skip í 1917. Fram til 1960 vóru einans træskip smíðaði, serliga var talan um teir traditionellu donsku kuttararnar, sum vóru smíaðir fyri fiskimenn á Skagenleiðini.

Tá nýtslan av stálskipum tók dyk á seg í 1960 árunum, fóru Karstensensmennirnir beinan vegin í gongd við at byggja stálskip.   

Bedingin er útbygd so hvört sum skipasmiðjan hevur tikið stórri og stórri uppgávur á seg. Í 1972 keypti Karstensens Skibsværft A/S táverandi Nippers, sum bleiv ein partur av felagnum.

Í 1987 varð skipasmiðjan gjörd til eitt partafelag í samband við at Knud Degn Karstensen (3. ættarlið) keypti felagið frá papa sínum Niels Degn Karstensen. Tá var meira gjört við umvælingar og u.l. ein nýbygningur varð bygdur um árið.

Í tíðarskeiðnum 1991 til 1997 fekst felagið eisini við ymiskt annað, og virkaði sum ein depil fyri útflutningi av fakligari vitan og know-how. Skipasmiðjan samarbeiddi við “Udenrigsministeriet/DANIDA”, og sendi starvsfólk til fátök lond, har tey hjálptu londunum við at byggja fergur.  

Í 1995 keypti Karstensens Skibsværft A/S málarahöllina, sum var farin á húsagang, og sum tá æt Nordpaint A/S (konkursbo).

Í  1997 varð nýbygningurin nr. 374 ”Western Viking” latin einum írskum reiðaríi. Hetta var eins og ein leypifjöl til fleiri nýggjar kontraktir uppá stórri fiskiskip. Skipasmiðjan hevur síðan tá lati fleiri enn 25 stórri nýbygningar úr hondum. Í flestu forum hevur Karstensens staðið fyri sjálvum projektinum saman við reiðarínum. Á henda hátt  verður úrsliti best viðvíkjandi dygd, kapaciteti, design og ikki minst arbeiðsligheit umborð.

Í 2002 keypti Karstensens Skibsværft 50 % av partapeninginum í Nuuk Værft A/S. Hini 50 % eigur Grönlendska Heimastýri. Hetta felagið, sum var nýstovna hevði sínar rötur í felagnum Amutsiviit, Nuuk, sum eisini Grönlendska Heimastýri átti. Í dag eigur Karstensens alt felagið og hevur 25 fólk í starvi.

Í 2003 var aftur ættarliðskyfti í felagnum. Knud Degn Karstensen seldi 35 % av partapeninginum til 5 leiðandi starvsfólk, sum vóru Tage Rishøj, stjóri, Kent Damgaard, teknistjóri, Benny Kristensen, framleiðslustjóri av nýbygningum, Claus Hansen, framleiðslustjóri av umvælingum og Kim Lund Jensen fýggjarstjóri.

Í 2007 tók skipasmiðjan eina nýggja turrdokk í nýtslu. Dokkin er135 metrar lang, 25 metrar breið og 8,2 metrar djúp.

Síðan 1917 eru yvir 400 nýbygningar gjördir í skipasmiðjuni.

Um stutta tíð fer ein nýggj mynd upp her at hanga, nevniliga av nýbygningi nr. 192.