Sunnudagin 06.juli skipar Norðoya Gongufelag fyri spennandi gongutúri til tí søguríku oynna Svínoy.

 

Tað er søgn, at Svínoy av fyrstan tíð var flotoyggj, sum sjálvdan fekst eyga á, tí umframt sjálv at vera fjald í mørka, førdi hon oftast toku við sær, og huldi soleiðis seg sjálva fyri mannaeygum.

 

Fyrsti navngivni maður í Svínoy – og Norðoyggjum – er Bjarni, vanliga róptur Svínoyar-Bjarni. Hann er fleiri ferðir umtalaður í Føringasøgu, sum sigur hann verða morbróðir Trónda í Gøtu. Svínoyar-Bjarni er eisini ein av teim navnframu høvdingunum, ið ráddu í Føroyum um ár 1000.

 

Svínoy er sostatt ein av teim oyggjunum, ið spæla ein týðandi leiklut í føroyskari fornsøgu.

 

Nú verður so gylt høvi, at vitja hesa søguríku oyggj.

 

Sunnudagin 06.juli verður farið út til Svínoyar, har framúr góður frásøgumaður tekur ímóti gongufólkinum. Gingið verður heim til bygdina, og haðani frá verður so gingið eystur á Fugloyarháls og víðari yvir í Arantsholu, ið eisini goymir spennandi frásøgnum.

 

Komin heimaftur til bygdina verður høvi at fara inn og skoða tí vøkru kirkjuna, og eisini at spáka ein túr runt í bygdini. 

 

Tilmelding: Norðoya Kunningarstova, tel 456939   info@klaksvik.fo

Kostnaður: kr. 80,-  (limir)   kr. 100,-  (ikki-limir) 

 

íroknað prísin, er: frásøgufólk og té/kaffi við onkrum lekrum afturvið.

 

Ikki íroknað: ferðaseðilin Hvannasund tur-retur

 

Fráferð:  við Másanum kl. 08:45 úr Hvannasundi

 

Minnist til at hava matpakka við

Túrurin er lættur